Deputeti i Partisë Demokratike, Ferdinand Xhaferaj, ka debatuar sot gjatë mbledhjes së Komisionit të Sigurisë, me kryetarin Nasip Naço.
Xhaferaj kishte një pyetje konkrete për socialistët që të bëjnë transparencë për emrin e zv/kryeministrit që është përfshirë në përgjimet me Rezart Taçin.
Nasip Naço tha se Xhaferaj e ka adresuar pyetjen gabim pasi për më shumë informacione mund ta marrë në SPAK.
Debati Ferdinand Xhaferaj – Nasip Naço:
Ferdinand Xhaferaj: Doja të pyesja kryetarin e Komisionit të Sigurisë: Kush është emri i zv/kryeministrit që akuzohet se ka dalë në përgjime me Rezart Taçin, sepse Braçe dhe Ahmetaj bëjnë lojëra fjalës jo jam unë jo s’jam unë, doja të dija a ka një emër konkret për këtë përgjim?
Nasip Naço: Për zv/kryeministri mund t’i drejtohet SPAK-ut, nuk merret drejtori me përgjimet, drejto pyetjen aty ku duhet…
Ferdinand Xhaferaj: Braçe ka nxjerrë datat kur ka qenë zv/kryeminsitër, për cfarë i ka bërë publike ai, bëni transparencë. Mbanin minimum përgjegjësie transparenca ju mungon ju të rilindjes.
Nasip Naço: Adreso pyetjen aty ku duhet, nëse drejtori ka informacionj më të detajuar ta thotë, unë nuk di çfarë të them…
