Rama u flet fermerëve edhe për satelitët/ Bashkohuni që të përfitoni sa më shumë fonde

Kryeministri Edi Rama u shpreh sot se Qeveria nuk mund të subvencionojë apo mbështesë me fonde subjektet informale. Ndërsa ka prezantuar buxhetin e 2022, Rama u ka folur fermerëve për satelitët, duke u shprehur se Bota sot e kontrollon territorin jo me inspektorë, por me satelit.

“Mund të qeshin dhe të tallen, por ne këtë do të bëjmë”, tha Rama. Ai u shpreh se të gjithë duhet të kuptojnë se paratë nuk vijnë sikur po hidhen në lumë, por duhet ti fitosh ato. Në këtë kuadër, Rama tha se fermerët duhet të bashkohen, duhet të bashkohen forcat, jo pronat, sepse s’do bëjmë kooperativa.

Në vijim ai u shpreh se protestat e fermerëve janë legjitime, nuk diskutohet por ata që kanë marrë pjesë janë të keqinformuar.

“Cfarë ka ndodhur është e thjeshtë në shifra. Pse kemi vendosur ta heqim rimburimin e 6%? Dhe cfarë do bëjmë me ato para? Kemi synuar që përmes shfrytëzimit të kapacitetit logjistik të prodhuesve të cojmë paratë tek fermeri.

Unë besoj se grumbulluesit do e mirëkuptojnë këtë që po them sepse ne nuk jemi kundër tyre, por duam ti mbështesim të forcohen. Në fund, ajo shumë që ka rezultuar rreth 9 milionë dollarë të transferohet drejtëpërdrejtë në buxhetin e bujqësisë. Kini parasysh që një buxhet që prek shifrën e miliarda dollarëve sa mund të impaktohet nga 9 milionë?

LEXO EDHE  Pezullohet sërish lundrimi i anijeve të vogla në Vlorë/ Trageti nga Italia, me 7 orë me vonesë

Ndërkohë që me këto 9 milionë ne mund të bëjmë shumë për të shtuar produktivitetin. Është e rëndësishme të kuptohet se sa më shumë kalon koha dhe sa më shumë strukturohet tregu i brendshëm, aq më i pamundur bëhet që në këtë sektor të mbijetosh i vetëm.

Mollat stërkinge, është si t’ja fusësh murit me kokë. Cfarë të bëjë shteti? Të vijë t’ua blejë? Ata që bëjnë komente nga smartphone ku thonë se bujqësia ka marrë fund dhe fshati ka marrë fund, ju them: Jeni out! E kundërta është e vërtetë. Ne sot punojmë dyfishin e tokës së Shqipërisë krahasuar me vitin 2013. Nuk punoheshin tokat më parë sepse nuk kishte as ujë dhe as kullim”, tha Rama.