Këtë të Shtunë, Florian Marku zbret për herë të parë në ringun e boksit si kampion. Boksieri lushnjar do të sfidojë në “Uembley Arena” të Londrës, Jorick Luiseton, pas fitores së titullit kampion kundër Maxim Prodan.
Përballja për kategorinë “Welterweight” do të zhvillohet në 8 raunde.
29-vjeccari Florian Marku hyn në ring me një rekord si të pamposhtur: 9 fitore, zero humbje dhe 1 barazim. Gjashtë nga fitoret vijnë me nokaut.
33-vjeçari Jorick Luiseto, nga ana tjetër, ka një rekord prej 11 fitoresh, 2 humbjesh dhe 0 barazime. Tre nga fitoret i ka marrë me nokaut.
Referuar raportimeve, Marku shihet si favorit për të fituar këtë ndeshje.
Takimi pritet të nisë rreth orës 20:00 me orën lokale të Londrës dhe është pjesë e eventit që kultmon me ndeshjen mes Riakphore dhe Durodola.
Pamje nga peshimi
Marku ka lajmëruar se pas kësaj ndeshjeje, do të zhvillojë një përballje në “Air Albania” në Tiranë.
