Gjatë këtij muaji në Klinikën e Pediatrisë në QKUK janë paraqitur 15 fëmijë për kontroll të infektuar me virusin “Coxsackie”.
Drejtoresha e kësaj klinike, Violeta Grajçevci thotë se simptomat e këtij virusi si pikat e kuqe në duar, këmbë e gojë, kanë shkaktuar panik tek prindërit. Megjithatë situata paraqitet e qëndrueshme dhe nën kontroll.
Ky virus prek moshat nga një deri pesë vjeç, kryesisht gjatë periudhës së vjeshtës dhe dimrit. Më tej drejtoresha e klinikës shprehet se prindërit duhet të tregojnë kujdes në lidhje me higjienën e fëmijëve. Ky virus kalohet në masën më të madhe brenda 8-10 ditësh, ndërsa në disa raste më të rralla mund të nevojiten antibiotikë shtesë nëse infeksini përshkallëzohet.
