Aktori i famshëm turk me origjinë shqiptare, Kivanç Tatlitug është ndër më të pëlqyerit në Shqipëri. I ftuar mëngjesin e sotëm në Klan News, Albert Dumani tregoi se ka biseduar me Kivanç për të ardhur në Shqipëri, por për t’u realizuar kjo ekziston dhe një kusht, një shumë e kripur për aktorin pasi dihet tashmë që ai është një ndër më të kërkuarit.
Alberti dha shpresa se aktorin do të mund ta shohim në Shqipëri pas përfundimeve të serialit që ai po xhiron aktualisht.
“Kam kohë që e kam takuar dhe ai është shumë i interesuar për të ardhur sepse edhe origjina e tij është nga Shqipëria. Babai i tij është nga Prishtina. Kur kam ndjenjur me të në xhirime deri në 3 të mëngjesit më tha që do shumë që të vijë. Por axhenda e tij është shumë e ngjeshur. Do të vijë, por ka dhe një shumë paksa të kripur për ardhjen e tij. Kushton pak, se normal kemi të bëjmë me Kivanç Tatlitug. Aktualisht po luan në një serial në Netflix dhe do e shohë publiku i gjithë botës. Sapo të përfundojë atë të shohim nëse do mund të vijë dhe të shohë vendin tonë” -tha Alberti.
