Kreu demokrat Lulzim Basha ka reaguar pas akuzave të ish-Kryeministrit Sali Berisha, i cili nga Foltorja e Librazhdit, i kujtoi dosjen e Nick Muzin, që hetohet në SHBA, apo siç njihet ndryshe si “dosja e lobimit rus”, por edhe atë të Toyota Yaris.
Berisha tha se këtë të dytën, Lulzim Basha e ndan me Taulant Ballën.
Por Basha në reagimin e tij thekson se Berisha ka ricikluar akuzat e Edi Ramës.
“I keqardhur sa poshtë ka rënë Sali Berisha që riciklon akuzat e Edi Ramës. Sali Berisha me asnjë trillim nuk do ta bunkerizojë PD për interesat e tij personale. PD është dhe do të jetë përjetë aleate e SHBA dhe askush nuk mund ta shndërrojë në mburojë të interesave personale!”, shkruan Basha në rrjetet sociale.
I keqardhur sa poshtë ka rënë Sali Berisha që riciklon akuzat e Edi Ramës. Sali Berisha me asnjë trillim nuk do ta bunkerizojë PD për interesat e tij personale. PD është dhe do të jetë përjetë aleate e SHBA dhe askush nuk mund ta shndërrojë në mburojë të interesave personale! pic.twitter.com/PgA6l5QfXb
— Lulzim Basha (@lulzimbasha_al) November 19, 2021
