Pa dokumente dhe me hashash në makinë, arrestohen 2 shqiptarë në Itali/ Detajet

Policia italiane arrestoi 2 nga 3 shqiptarët që ndodheshin duke udhëtuar me një automjet.

Ato u ndaluan nga policia në tunelin Mont Blanc. Gjatë kontrolleve për luftimin e emigracionit të paligjshëm dhe krimit ndërkufitar, oficerët e policisë kufitare arrestuan dy shtetas shqiptarë dhe denoncuan të tretin në makinë.

Mediat italiane raportojnë se drejtuesi i mjetit, një shtetas shqiptar, me banim në Itali, po transportonte dy bashkatdhetarë, pa dokumente të vlefshme.

Burri u arrestua, por gjatë kontrollit të identitetit të tij personal rezultoi se një nga dy personat që ndodheshin me të, një 26-vjeçar, i ishte ndaluar rihyrja në Itali për 5 vjet. Për këtë arsye edhe ai u arrestua, ndërsa pasagjeri tjetër u raportua se nuk kishte dokumente të vlefshme gjatë hyrjes në territorin italian.

LEXO EDHE  Festa e Pavarësisë, DASH uron Shqipërinë: Krenar që ju quajmë mik dhe aleat

Në kontrollin e makinës, e cila u sekuestrua, policia gjeti edhe 1200 euro cash dhe një sasi të vogël hashash. Dy të arrestuarit janë kallëzuar në prokurorin e Aostës.