FOTO/ Kreu marrëdhënie seksuale më vajzën 13 vjeçe, kush është polici i arrestuar

Personi në foto është Petraq Rako, 63-vjeçari i arrestuar për kryerjen e marrëdhënieve seksuale me një vajzë 13 vjeçe, e cila shfrytëzohej për prostitucion nga një tjetër person.

Petraq Rako

Punonjësi i policisë Petraq Rako u vu në pranga një ditë më parë kushtet e flagrancës, pasi ka kryer marrëdhënie seksuale me shtetasen e mitur, konfirmuan burime zyrtare nga SHÇBA.

Në pranga bashkë me efektivin, punonjës policie “Trup Shërbimi” në pikën e kalimit kufitar Rrips, u arrestua dhe Stefan Koloi, 62 vjeç, banues në fshatin Xarrë-Konispol.

Ngjarja

Hetimet për rastin nisën nga policia e Sarandës që ia kaloi më pas dosjen prokurorisë së rrethit. Burime zyrtare nga SHCCBA se nga hetimi një mujor, rezulton se Stefan Koloi ka shfrytëzuar për qëllime përfitimi shtetasen e mitur L.H., 13 vjeçe, duke përshtatur një ambient për shfrytëzimin e prostitucionit të fëmijës.

LEXO EDHE  “Lodhet” Venecia. I sugjeron Shqipërisë që të bëj si të dojë me mandatin e Vetingasve

Punonjësi i policisë Petraq Rako është arrestuar në kushtet e flagrancës, pasi ka kryer marrëdhënie seksuale me shtetasen e mitur në ambjentet e përshtatura nga shtetasi Stefan Koloi, sqaruan të njëjtat burime.

Në cilësinë e provës materiale janë sekuestruar: 2 automjete; 4 aparate celularë dhe një sasi vlere monetare e dyshuar si e përfituar nga veprimtaria kriminale. Po ashtu, është vendosur sekuestro konservative ndaj ambienteve të përshtatura për ushtrimin e kësaj veprimtarie të kundërligjshme.

Akuzat penale që janë ngritur ndaj dy të arrestuarve janë për veprat ‘Shfrytëzim i prostitucionit’, ‘Marrëdhënie seksuale ose homoseksuale me të mitur’, ‘Prostitucioni’ dhe ‘Mbajtja e lokaleve për prostitucion’”.