Analisti Arjan Curri nxjerr blof deputetin e Lulzim Bashës, Ervin Salianjin, lidhur me 4200 firmat e dorëzuara në zyrën e Kryetarit të Këshillit Kombëtar, Edi Paloka, për thirrjen e Kuvendit Kombëtar në 11 dhjetor, ditën e themelimit të Partisë Demokratike.
Në emisionin “Zonë e Lirë” të gazetarit Arjan Çani, analisti dhe pedagogu Curri u shpreh se, ai kishte shkuar te zyra e Palokës dhe kishte parë firmat.
“Listat ishin të sakta”, tha Curri.
“Unë i kam parë listat e firmosura nga delegatët. Dhe janë të gjitha në rregull”, u shpreh Arjan Curri.
“Çështja nuk është më a i ka firmat Berisha, se kjo nuk diskutohet më. Tani është kush e ka kourimin e 3801 delegatëve (Nga 7600 anëtarë që ka Kuvendi Kombëtar) që duhet të jenë të pranishëm. Duhet parë se kush e ka këtë kuorum. Çështja është se nga do të anojë kjo shumicë”, theksoi Curri.
Ndërsa Salianji insiston se firmat nuk janë dorëzuar në PD, duke mohuar faktin e ekzistencës së 4200 firmave për mbledhjen e Kuvendit Kombëtar dhe vlefshmërinë e tyre.
Sipas tij, Kuvendi Kombëtar i thirrur nga PD është ai i datës 18 dhjetor.
