Një 34-vjeçar është arrestuar nga policia e Gjirokastrës pasi akuzohet se ka ngacmuar seksualisht një 17-vjeçare.
“Specialistët e Seksionit të Hetimit të Krimeve në Komisariatin e Policisë Gjirokastër bënë ndalimin e shtetasit E. G., 34 vjeç, banues në Tepelenë, pasi dyshohet se ka ngacmuar seksualisht një shtetase të mitur, 17 vjeçe”, bënë me dije këtë të Premte burime zyrtare.
Materialet në ngarkim të shtetasit të mësipër i kaluan Prokurorisë pranë Gjykatës së Shkallës së Parë Gjirokastër për veprën penale “Ngacmim seksual”, shtuan të njëjtat burime.
