Një aksident tragjik me 7 të vdekur dhe 7 të plagosur ka ndodhur në zonën e Komotini në Greqi. Aksidenti i rëndë ndodhi pak pas mesnate rreth orës 00:20, sipas orës lokale.
Një automjet që transportonte emigrantë të paligjshëm doli nga rruga. Mjeti ka qenë me shpejtësi kur humbi kontrollin dhe u përplas.
7 emigrantë humbën jetën dhe 7 të tjerë mbetën të plagosur të cilët u dërguan në spital. Identiteti i tyre është bërë ende i ditur.
Sipas disa mediave lokale greke, thuhet se automjeti drejtohej nga një shtetas moldav, i cili udhëtonte me shpejtësi tepër të lartë. Makina tentoi të kalonte në rrugën dytësore, por drejtuesi humbi kontrollin dhe u përplas.
