Moti i keq në Kanada, shpallet gjendja e jashtëzakonshme

Provinca perëndimore e Kanadasë, British Columbia ka shpallur gjendjen e jashtëzakonshme pasi u godit nga një stuhi e fuqishme që shkatërroi infrastrukturën rrugore. Forcat e Armatosura kanadeze janë mobilizuar për të ndihmuar mijëra banorë që kanë mbetur të bllokuar prej ditës së diel.

Kryeministri Justin Trudeau kërkoi ndihmë gjatë një vizite në Uashington dhe tha se trupat do të ndihmojnë për rindërtimin.

LEXO EDHE  Koronavirusi në Itali/ 43 humbje jete dhe mbi 15 mijë të infektuar në 24 orët e fundit

Një grua vdiq nga rrëshqitja e tokës dhe dy persona kanë humbur.

Autoritetet rajonale ia kanë atribuuar katastrofën natyrore efekteve të ndryshimeve klimatike. Impakti i këtyre të fundit në frekuencën e stuhive është ende i paqartë, por temperatura e deteve e oqeaneve është rritur.

Kjo grumbullon më shumë energji që shkakton uragane, tufane e ciklon dhe si rezultat stuhitë janë më të fuqishme.