Ministria e Shëndetësisë së Kosovës njoftoi këtë të Enjte se ka regjistruar 11 raste të reja me koronavirus, pas 1,498 testimeve.
Në 24 orët e fundit, po ashtu janë shëruar 16 pacientë, ndërsa raste aktive janë 400.
Sa i përket vaksinimit kundër koronavirusit, në 24 orët e fundit janë dhënë 1,760 doza të vaksinës.
Kosova ka nisur fushatën e imunizimit kundër koronavirusit në fund të muajit Mars. Që atëherë, raportohet se janë administruar mbi 1.6 milion doza të vaksinës dhe 753,440 persona janë vaksinuar me të dy dozat, ndërsa 847,689 me një dozë.
