Një automjet në fshatin Mborje të Korçës është përfshirë nga flakët gjatë natës. Sipas policisë, ngjarja dyshohet të jetë e qëllimshme.
Mjeti është në pronësi të Arjel Cenes, i cili sipas burimeve policore, ka deklaruar se nuk ka konflikte.
“Rreth orës 02:30, ka rënë zjarr në mjetin tip ‘Benz’, në pronësi të shtetasit A.C., i cili ka qenë i parkuar në rrugë, pranë banesës së tij. Mjeti është djegur plotësisht dhe ka vetëm dëme materiale”, njoftoi policia.
Nga hetimet paraprake dyshohet për zjarrvënie të qëllimshme, konfirmuan të njëjtat burime, që shtuan se grupi hetimor po punon për sqarimin e plotë të rrethanave të ngjarjes.
