Deputeti demokrat, Luçiano Boçi, ka reaguar ka reaguar lidhur me ngjarjen e djeshme të ndodhur në Fier, ku 8-vjeçari Mateo Vasiu u vra nga 38-vjeçari Klodian Çalamani.
Boçi shprehet se duke filluar nga Rama dhe deri te polici i thjesht i zonës janë fajtorë për vrasjen e 8-vjeçt me mosveprimin e tyre.
Deputeti nënvizon gjithashtu se shteti, shërbimi social dhe policia nuk veprojnë sepse janë fasha kriminale e shoqërisë sonë, pasi janë kroi ku pi ujin e pisët pushteti i votave të pista.
Në një postim në rrjetet sociale, ai shkruan:
STOP HIPOKRIZISË
I keni dëgjuar fjalët e ndjera të Kryeministrit dhe pushtetarëve të tjerë për Mateon e vogël, të cilit ia mori jetën monstra i njohur publikisht?!
Është e natyrshme që dhimbja dhe revolta për krimin makabër të jetē e madhe.
Por STOP hipokrizisë lapidare qeveritare!
Kryeministri të mos fshihet pas fjalëve të renditura nën avujt e qetësisë së kolltukut.
Është përgjegjes!
E i gjithë zinxhiri qeverisës është përgjegjës për ngjarjen e rëndë.
Krimi makabër i paraprirë nga rastet e shumta të ndodhura të dhunës shumëdimensionale, duket i paralajmëruar dhe është pasojë e degradimit që i është bërë shoqërisë.
Është pasojë e braktisjes që i ka bërë qeverisja njerëzve të këtij vendi.
Me mosveprimin e tyre janë tërësisht fajtorë nga Rama deri tek ai polici i thjeshtë i zonës.
Por tek ne parandalimi nuk ekziston.
As policia nuk e bën!
As shërbimi social!
As shërbimi psikologjik i shkollës!
As pushteti lokal!
As hallkat e tjera shtetërore që flejnë gjumë e bejnë syrin qorr e veshin shurdh, përballë situatave katastrofike ekonomoke e sociale që përfundojnë në sjellje makabre dhe krime monstruoze.
Reagimi dhe ky gjysmak, vjen vetëm kur krimi kryhet.
Kudo në komunitetet tona njihen njerēzit problematikë, ata që bëjnë krime të vogla e të mëdha, ata që shpërndajnë drogë e që dhunojnë me sjelljen e tyre të tjerët.
Vëtem shteti, shërbimi social, psikologjik e policia nuk e di.
Nuk e di sepse nuk do të veprojë.
Nuk do të veprojë, sepse fasha kriminale e shoqërisë sonë, është kroi ku pi ujin e pisët pushteti i votave të pista.
Është skalioni që duhet të përdoret kur vijnë zgjedhjet.
Ndërsa mjerimi ekstrem që pjell dhunë stimulohet, krijohet me strategjinë e krijimit të bazës së majtë dhe pasjes së mbështetjes së saj në zgjedhje.
Për pushtetin nuk ka fate njerëzish, nuk ka fate fëmijësh, nuk ka fate komunitetesh.
Ato për Ramën e pushtetin zerohen para fatit politik të vetit, të rradhës.
Kjo është e tmerrshme, e neveritshme dhe revoltuese njeherazi.
Tek e fundit të bejnë nje respekt të vetëm për fatet e njerëzve dhe Mateon e vogël.
A ka mundësi të heshtin?
E pasi të heshtin të na zhduken!
Boll më me këtë hipokrizi absurde!!!!
Zgjidhja është dënimi me vdekje politike i këtij regjimi politik të degraduar.
