Prej disa orësh në Partinë Demokratike u mbajt mbledhja e Kolegjit të Kryetarëve të degëve. Në fund të kësaj mbledhje ishte Sekretari i përgjithshëm i partisë, gazmend Bardhi ai që njoftoi për mediet rezultatet e saj. Nga 61 kryetar, sipas bardhit, vetëm pesë prej tyre kanë shfaqur pakënaqësi me mbajtjen e Këshillit Kombëtar në datë 18 dhjetor dhe kanë kundërshtuar. Bardhi deklaroi se shumica ra dakord që në datë 18 dhjetor ora 11.00 të mbahet mbledhja e Këshillit Kombëtar të partisë Demokratike.
“Ishte frymë e lartë bashkëpunimi që përcolli secili prej kryetarëve të degëve. Me përjashtim të pesë kryetarëve të degëve që raportuan disa probleme, pjesa tjetër konfirmuan frymën e bashkimit që përcjell çdo anëtarë i PD. Askush mos të shqetësohet nga lajmet e rreme se ky Kuvend do të jetë i shpërbërjes dhe përjashtimit. 18 dhjetori është për t’i bërë të gjithë demokratët bashkë.
Frymën e përçarjes e ka përcjellë zoti Berisha, kundër rregullave. Kam një apel për secilin prej kolegëve të mi që flet sot për përjashtimin e 500 ose 1 mijë anëtarëve, që të qetësohet, të marrë frymë thellë dhe të mos i fryjë zjarrit. Statutin po e shkel njohësi më i mirë i statutit Sali Berisha. Berisha ka qenë i qëndrimit se nënshkrimet duhet të dorëzoheshin tek sekretariati. Sali Berisha duhet t;i shpjegoj opinionit. Kjo është koha që demokratët të mos përdoren si mish për top. PD nuk do të bëhet dhe nuk do të bëhet mburojë e askujt që do ta izolojë dhe ta ndajë nga aletatët tanë strategjik. Konfirmojë sot, se në 18 dhjetor është Kuvendi Kombëtar si mundësia që të gjithë demokratët të jenë bashkë.
Mbledhja e kolegjit të kryetarëve dha mesazh bashkimi. Kush i ka fryrë zjarrit të përçarjes nuk është në interesin e demokratëve. 18 dhjetor ora 11.00 zhvillohet Kuvendi Kombëtar. I vetmi mision që kemi është rrëzimi një orë e më parë i Edi Ramës.
Kryetari i degës së PD Vlorë, Shënkoll, Fushkrujë, Paskuqan dhe kryetari i degës 1 në Tiranë, kanë shfaqur pakënaqësi, por janë dëgjuar edhe pse ishin në pakicë, janë sqaruar.”, tha Bardhi.
