Gjykata Kushtetuese cakton datën 18 janar 2022, si ditën kur do të shqyrtojë vendimin e Kuvendit për shkarkimin e Presidentit Ilir Meta.
Në Qershor 2021, mazhoranca votoi në Kuvend për shkarkimin e Ilir Metës nga posti i Presidentit. Sipas mazhorancës, deklaratat e kreut të shtetit gjatë fushatës elektorale, përbënin arsye për shkarkimin e tij nga detyra.
Pas votimit në Kuvend, është Gjykata Kushtetuese ajo që thotë fjalën e fundit për çështjen, duke vendosur për fatin e Metës në krye të Presidencës.
Kjo është tentativa e dytë e socialistëve për të shkarkuar Ilir Metën. Tentativa e parë e mazhorancës socialiste për të shkarkuar presidentin ishte ajo e vitit 2019, ku Ilir Meta firmosi dekretin që shfuqizonte datën e zgjedhjeve vendore.
