Aksident në Tiranë, fugoni me nxënës përplaset me makinën

Foto ilustruese

Një aksident ka ndodhur këtë të Mërkurë në Tiranë, ku një fugon që transportonte nxënës është përplasur me një automjet. Policia bën me dije se 13 nxënës dhe një mësuese kanë shkuar në spital për kontroll mjekësor, por nuk kanë pësuar lëndime fizike nga aksidenti.

“Rreth orës 13:40, në Yzberisht, janë përfshirë në përplasje mjeti fugon që transportonte disa nxenës shkolle me drejtues shtetasin A. H me mjetin me drejtues shtetasin D.T. Si pasojë kanë shkuar për kontroll mjekësor 1 mësuese dhe 13 nxënës, të cilët fatmirësisht nuk kanë pësuar dëmtime fizike nga përplasja e mjeteve”, njoftoi policia.

LEXO EDHE  Moti i keq me reshje shiu dhe bore, 13 fshatra në Lezhë pa energji elektrike

Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.

Paraprakisht, dyshohet se automjet tip “Ford” që u përplas me fugonin ka bërë një parakalim të gabuar.