Ish-futbollisti i Barcelonës merret në pyetje për dhunën ndaj futbollistes së PSG-së

Foto: Marca.com

Futbollisti legjendar i Barcelonës, Eric Abidal, do të merret në pyetje nën dyshimin se ka marrë pjesë në një skandal të madh që tronditi futbollin francez.

Javën e kaluar, mediat franceze raportuan një lajm tronditës se futbollistja e PSG-së Aminata Diallo kishte urdhëruar rrahjen brutale të shoqes së skuadrës Kheira Hamraoui. Informacionet e para thanë se arsyeja ishte konkurrenca në ekip.

Hamroui u transportua në spital për shkak të plagëve në krahë dhe këmbë pasi dy autorë të këtij akti e nxorrën nga makina dhe e rrahën pas një darke në klub.

Mirëpo, “The Times” sjell informacione të reja. Përkatësisht, Eric Abidal do të merret në pyetje për këtë skandal pasi emri i tij është i lidhur me vetë rastin.