Futbollisti legjendar i Barcelonës, Eric Abidal, do të merret në pyetje nën dyshimin se ka marrë pjesë në një skandal të madh që tronditi futbollin francez.
Javën e kaluar, mediat franceze raportuan një lajm tronditës se futbollistja e PSG-së Aminata Diallo kishte urdhëruar rrahjen brutale të shoqes së skuadrës Kheira Hamraoui. Informacionet e para thanë se arsyeja ishte konkurrenca në ekip.
Hamroui u transportua në spital për shkak të plagëve në krahë dhe këmbë pasi dy autorë të këtij akti e nxorrën nga makina dhe e rrahën pas një darke në klub.
Kështu, u zbulua se karta SIM në telefonin e Kheira ishte në emrin e Eric Abidal dhe “Le Parisien” thekson se shkak për incidentin mund të jetë tradhtia bashkëshortore. Thuhet se Abidal dhe Hamroui kanë një marrëdhënie që është më shumë se miqësore dhe kjo do të thoshte që Aminata Diallo, një bashkëlojtare e dyshuar fillimisht, do të shpallej e pafajshme.
Ndërkohë Diallo është liruar nga paraburgimi dhe i është rikthyer aktivitetit të rregullt.
