Një person i pajetë është gjetur mëngjesin e sotëm në fshatin Gjashtë të Sarandës. Viktima është identifikuar si Spiro Denjeli, 77 vjeç, me origjinë nga Fushë-Kruja, por që jetonte i vetëm në fshatin Gjashtë.
77-vjecari është gjetur nga një fqinj. Dyshohet që vdekja të ketë ndodhur mëngjesin e sotëm, teksa sipas policisë, nuk kishte shenja dhune në trup.
Trupi i tij është transportuar në morgun e spitalit për t’iu nënshtruar ekspertizës për të përcaktuar shkakun e vdekjes. 77-vjeçari raportohet se prej dy vitesh jetonte i vetëm, ndërsa bashkëshortja jeton së bashku me fëmijët në Greqi.
