Kryetari i Partisë Demokratike, Lulzim Basha deklaroi nga foltorja e Kuvendit se në parlament ka deputetë që janë anëtarë të organizatave kriminale.
“Këtu në këtë Kuvend ka kriminele. Këtu, tani që flasim, ka anëtarë të krimit të organizuar në kartelat e sistemit të inteligjencës së Policisë së shtetit, në kartelat e Europolit, në kartelat e Interpolit, në kartelat e FBI-së, në kartelat e DEA-s, janë kriminelë të ulur këtu”, u shpreh Basha.
“Ka dhe bedelë të organizatave kriminale në kuptimin e Konventës së Palermos, jo në kuptimin e retorikës politike, të atyre që quhen grupe të strukturuara kriminale edhe sipas Kodit Penal të Republikës së Shqipërisë”, shtoi ai.
Kryetari i PD-së bëri apel për miratimin e vetingut në politikë për të pastruar Kuvendin nga “kriminelët e politikanët me kontakte të papërshtatshme”.
