Ndërkohë që Kryeministri i vendit Edi Rama ka nisur prezantimin e Projekt-Buxhetit 2022 në Kuvend, banorë të komunitetit rom në Vlorë kanë dalë në një protestë përpara bashkisë së Vlorës për kushtet e vështira të jetesës dhe lënien në harresë nga shteti.
Protesta e tyre ka ardhur pasi nga sot, ata nuk do të lejohen më të mbledhin mbetje plastike, bidonë, etj, pasi ato do të çohen në landfillin e ri që po ndërtohen në Sherishtë.
Me këtë vendim, nga sot, ata mbeten pa punë pasi nëse do të guxojnë të dalin nëpër rrugë për të mbledhur bidonët plastikë, do të gjobiten nga Policia Bashkiake.
