Po luhen minutat e fundit të pjesës së parë në sfidën Shqipëri-Andorra e vlefshme për kualifikueset e Botërorit “Katar 2022”.
Rastin e parë të rrezikshëm e kanë pasur miqtë në minutën e 14-të. Ramadani gabon gjithçka para zonës duke i dhuruar topin Martinez, ky i fundit gjuan menjëherë drejt portës dhe Strakosha detyrohet të bëjë një devijim spektakolar për të shpëtuar Shqipërinë nga goli i parë.
Nga ana tjetër Shqipëria u mundua të përgjigjej me anë të Seferit. Por gjuajtja e sulmuesit është shumë e lehtë dhe portieri kontrollon me lehtësi.
Ndërkohë në minutën e 30-të, pas një goditje dënimi të Andorrës, Jovera me kokë vë në provë reflekset e Strakoshës.
