Kryeministri Edi Rama deklaroi këtë të Hënë nga foltorja e Kuvendit se ata që presin më shumë rezultate nga “Reforma në Drejtësi”, duhet të tregojnë më shumë durim.
Në një fjalim për zërat e buxhetit për vitin 2022, që diskutohet sot në Kuvend, Rama u ndal te drejtësia.
“Duke nisur nga reforma në drejtësi që në 2016 nisi me një plan financiar 42 mln dollarë dhe me buxhetin e vitit 2022 financohet dyfish, 84 mln dollarë. Jemi në një fazë të rëndësishme të reformës në drejtësi ku vijon nga njëra anë pastrimi i llumit që s’ka të mbaruar dhe nga ana tjetër ngritja e institucioneve të reja të drejtësisë. Dhe për të gjithë ata që me të drejtë presin më shumë rezultate nga reforma në drejtësi dhe më shpejt, dua të them se duhet të them më shumë durim”, tha Rama.
