Një aksident me një fëmijë të plagosur ka ndodhur në fshatin Imësht të Lushnjes.
“O. C., 21 vjeç, banues në fshatin Ngurrëz e Vogël, duke drejtuar pa leje drejtimi automjetin tip ‘Benz’ ka përplasur një fëmijë të mitur 11-vjeç, i cili po drejtonte një biçikletë dhe ndodhet në spital nën kujdesin e mjekëve”, njoftoi policia këtë të Hënë.
“Shërbimet e Policisë bënë të mundur identifikimin, kapjen dhe arrestimin e 21-vjeçarit i cili pas aksidentit është larguar nga vendi i ngjarjes”, shtuan të njëjtat burime.
