PD do mbledhë ditën e hënë Kryesinë, ja mesazhi i Bardhit për demokratët

Partia Demokratike do të mbledhë ditën e hënë kryesinë e partisë. Lajmi ëhstë bërë i ditur nga vetë Sekretari i Përgjithshëm i PD, Gazment Bardhi, i cili përmes një mesazhi ka njoftuar demokratët për mbledhje.

Në mesazhin e Bardhit thuhet se mbledhja do të zhvillohet nesër në orën 16:00, ku do të diskutohet situata aktuale politike brenda PD.

Mesazhi i plotë:

Në mbështetje të pikës 4, të nenit 45 të Statutit të PDSH, nesër, datë 15.11.2021, ora 16:00, do të zhvillohet mbledhja e Kryesisë së Partisë, me rend dite:

“Diskutime dhe vendimmarje mbi situatën politike, si dhe marrjen e masave për të mbrojtur interesin e Partisë Demokratike dhe funksionimin demokratik të organeve të saj”.

Mbledhja do të zhvillohet në sallën e mbledhjeve të Grupit, Kati i II, Selia Qendrore e PDSH.

Duke ju falenderuar për mirëkuptimin,

Sekretari i Përgjithshëm

Gazment Bardhi

LEXO EDHE  Gjykata Speciale në Hagë refuzon kërkesën për lirim me kusht të Hashim Thaçit