Janë mbyllur 3 takimet e vlefshme për Grupin H në raundin eliminator të Kupës së Botës. Kroacia ka mposhtur minimalisht 1-0 Rusinë duke siguruar kualifikimin për në Botërorin e Katarit.
Kroatët kanë dominuar totalisht ndeshjen por nuk kanë arritur dot të gjenin golin. Në minutën e 81′ vendimtar ka rezultuar autogoli i Kudryashov duke mbyllur ndeshjen me rezultatin 1-0 .
Tashmë kroatët ndodhen në vendin e parë me 23 pikë në grup duke siguruar kështu kualifikimin për fazën tjetër. Rusia do të luaj në play-off pasi ndodhet në vendin e dytë në grup.
Në sfidat e tjera, Sllovakia ka mposhtur thellë 6-0 Maltën në transfertë. Me këtë rezultat, sllovakët ngjiten në kuotën e 14 pikëve në vendin e tretë, por që gjithsesi jashtë Kupës së Botës. Nga ana tjetër Sllovenia mposhti 2-1 Qipron.
