Një kamera sigurie ka filmuar pamje nga atrentati i nodhur pasditen e djeshme në zonën e “Astirit” në kryeqytetet, ku u ekzekutuan në një atentat Erigers Mihasi, 32 vjeç dhe Armand Dumani, 26 vjeç.
Të dy lëviznin me një automjet tip “Audi” që u qëllua me armë zjarri.
Burime pranë grupit hetimor thanë se një kamera sigurie në zonë ka mundur të filmojë momentin ku mjeti tip “Toyota” me targa AA 532 ON e përdorur nga autorët ka qëlluar fillimisht nga mbrapa mjetin “Audi A 7” ku udhëtonin Mihasi, dhe Dumani, 26 vjeç. Më pas, autorët kanë dalë paralel në anën e djathtë të “Audit”, nga ana e pasagjerit, dhe kanë qëlluar me breshëri kallashnikovi drejt makinës me të cilën udhëtonin viktimat.
Pas ngjarjes, atentatorët dyshohet se janë larguar drejt Thumanës, ku u gjet një automjet i djegur “Toyota”. Në makinën e cila rezulton e vjedhur në Greqi, ndërsa targat të vjedhur në Tiranë në muajin Korrik, u gjetën 2 kallashnikovë, që mendohen se janë përdorur në atentat. Nga Thumana, dyshohet se autorët janë larguar me një tjetër automjet për të humbur gjurmët.
Objektivi i atentatit dyshohet se ka qenë Mihasi, ndërsa ngjarja ka dyshime se lidhet me larje hesapesh.
Grupi hetimor dyshon se personat e përfshirë në atentat ishin pjesë e një grupi që vepronte me pagesë.
