Dy personat që u ekzekutuan mbrëmjen e së shtunës në zonën e Astirit në Tiranë, Erigers Mihasi, 32 vjeç, dhe Armando Dumani, 26 vjeç, nuk mbanin armë zjarri me vete. Kjo të paktën sipas policisë, e cila gjatë kontrollit të mjetit të viktimave, një Audi A8, nuk gjeti asnjë lloj arme zjarri.
Gjithashtu nga kontrolli fizik në trupat e viktimave nuk u gjetën armë.
Ndërsa në makinën e djegur në Thumanë, tip ‘Toyota’ me targa të vjedhura AA 532 ON, janë gjetur dy armë zjarri kallashnikov. Pritet që ekpertiza të përcaktojë nëse armët e gjetura në automjetin e djegur janë ato që u përdorën në krim ose jo, ndërsa gjithashtu policia po mbledh pamjet filmike në zonën e krimit për të hedhur më shumë dritë lidhur me ngjarjen. Më herët u raportua se njëri prej viktimave, Erigers Mihasi, ishte në përgjim nga prokuroria, pasi dyshohej si i përfshirë në vrasjen e njv ish-polici në Laç.
