Një zjarr i përmasave të mëdha ka përfshirë plantacionin me ullinj që shtrihet përgjatë rrugës për në “Lagjen Kala” të qytetit të Beratit.
Zjarri fillimisht ka nisur nga disa shkurre dhe barëra të hedhura nga vet banorët, të cilët kanë bëre pastrimin e pemëve më pas i favorizuar nga era zjarri ka dalë jashtë kontrollit duke përfshirë sipërfaqen e mbjell me ullinj.
Kanë qenë vet banorët ata që kanë lajmëruar repartin zjarrfikës. Terreni paksa kodrinor ka qenë pengesë për automjetet e shuarjes së zjarrit. Zjarrfikësit me pompa shpine dhe mjete rrethanore kanë mundur ta vënë zjarrin nën kontroll.
Po burime të MNZSH repartit zjarrfikësve mësohet se zjarri është vënë në mënyrë të qëllimshme pasi janë gjetur shishe të mbushura me benzinë pran zonës ku është shfaqur zjarri. Fatmirësisht nuk ka patur dëmtim të banesave megjithëse janë pranë plantacioneve. Po punohet gjetjen e autorëve të kësaj zjarrvënie.
