Atentati në Tiranë, Salianji: Krimi po triumfon, qeveria e pafuqishme përballë tij, është ortake

Për ngjarjen e Astirt ka reaguar edhe deputeti i Partisë Demokratike, Ervin salianji. Në një reagim në facebook, Salianji thotë se krimi po triumfon çdo ditë dhe më tej shton se krimi pjell krim.
Salianji deklaron se krimi po bën kërdinë ndërsa e lidh këtë edhe me përdorimin e bandave në zgjedhje, teksa shton se territori është dorëzuar në duart e kriminelave dhe se qeveria nuk ka fuqi të veprojë përballë tyre, pasi është ortake me të.
Deklarata
Sot thuajse si përditshëm kërciti automatiku në orën me më shumë levizje, breshëritë e plumbave po zbrazen kudo, në mes të qyteteve, në zonat më të populluara dhe pa kursyer askënd dhe pa ju dridhur dora para askujt! Krimi është trimêruar dhe po bën kërdinë me eleminime të tipit mafioz, vrasje, grabitje, drogë, dhunë, vjedhje…
Për fat të keq siç e kemi paralajmëruar krimi pjell krim, perdorimi i bandave në zgjedhje praktikisht është dorezimi i territorrit dhe sovranitetit ne duart e tyre! Qeveria as nuk ka fuqi as nuk ka dëshirë të përballet me krimin, ata janë ortakë, ata duhen zhdukur njësoj si e keqe e madhe për çdo familje, për çdo qytetar!