5 tërmete në 12 orë në Bulqizë, nënprefekti: S’do lejohet që banorët të futen në pallatin që rrezikon shembje

Pesë lëkundje sizmike janë shënuar në më pak se 12 orë në Bulqizë. Lëkundja më e fortë ishte ajo e orës 16 e 8 minuta pasditen e djeshme.

Banorët e Bulqizës janë në ankth pasi epiqendra ishte vetëm pak kilometra larg qytetit në afërsi të Qafës së Buallit.

Nënprefekti i Bulqizës, Avni Muliu tha për “News24” se nuk janë raportuar dëme nga lëkundjet e një dite më parë. Nga ana tjetër, Muliu tha se i është kërkuar Bashkisë Bulqizë të mos lejojë rikthimin e banorëve në pallatin e rrezikshëm, të dëmtuar më herët nga tërmetet, pasi mund të ndodhë ndonjë tragjedi. Që prej datës 29 tetor, në rrethin e Bulqizës, janë shënuar 12 lëkundje sizmike.

LEXO EDHE  Mesazhi që u dha nga Brukseli për Asociacionin