Anglia kryeson 4-0 ndaj Shqipërisë teksa kanë kaluar vetëm 35 minuta lojë. Fillimisht vendasit kanë kaluar në avantazh në minutën e 10-të. Autori i golit është mbrojtësi Harry Maguire i cili shënon me kokë I pashqetësuar nga asnjë nga mbrojtësit kuqezi.
Vetëm 8 minuta më vonë Harry Kane ka dyfishuar shifrat. Goli i tretë erdhi pas një aksioni fantastik të vendasve që u finalizua me gol nga Henderson.
Harry Kane plotëson dopietën personale dhe shënon golin e katërt për “Tre Luanët” në minutën e 35-të.
