“Qarku i Elbasanit kufizohet përmes detit me Italinë”. Deklaratën e pazakontë e bëri këtë të Enjte deputeti i Partisë Demokratike Dashnor Sula.
Në komisionin e ligjeve, ku prezent ishte nënkryetari i KLP-së, deputeti demokrat Dashnor Sula e pyeti lidhur me hartën e re gjyqësore. Por, në parashtrimin e pyetjes bëri një gafë, kur tha se Qarku i Elbasanit kufizohet përmes detit me Italinë.
“Pyetja ka të bëjë me hartën gjyqësore. Harta gjyqësore është një shqetësim i madh për këdo. Duke filluar besoj që nga KLP, prokurori i Përgjithshëm, edhe më e rëndësishme nga qytetarët shqiptarë. Pse e them këtë? Po marr Qarkun e Elbasanit. Është qarku me shtrirjen më të madhe që ka në Republikën e Shqipërisë, kufizohet me Maqedoninë edhe kufizohet këtej me detin me Italinë…”, u shpreh ligjvënësi.
Deklarata në video nga minuta e 58-të