Policia e Tiranës ka dalë me një njoftim lidhur me aksidentin e ndodhur këtë të Enjte në Rrugën e Kavajës, ku mbeti i plagosur aktori Gazmend Paja.
Burime zyrtare bënë me dije se, “rreth orës 11:08, në rrugën e Kavajës, mjeti me drejtues shtetasin E.K., është përplasur me një motomjet me drejtues shtetasin G.P. (Gazmend Paja). Si pasojë është dëmtuar drejtuesi i motomjetit i cili ndodhet në spital, nën kujdesin e mjekëve”.
Grupi Hetimor është në vendngjarje dhe po punon për sqarimin e rrethanave të aksidentit, shtuan të njëjtat burime.
Fotot e postuara në media pas aksidentit treguan se Paja nuk ishte në gjendje të rëndë shëndetësore.