Malala Yousafzai, e cila në moshën 17-vjeçare u shpall fituesja më e re e çmimit Nobel për Paqe, është martuar në Angli. 24-vjeçarja është martuar me Asser Malik në një ceremoni të vogël islamike të quajtur nikkah në Birmingham, rrethuar nga familjarët e tyre.
“Sot është një ditë e shënuar për jetën time”, shkroi ajo. “Jemi të lumtur që do ecim së bashku në udhëtimin që kemi përpara”.
Yousafzai, një nga ‘avokatet’ më të famshme në botë për arsimimin e vajzave, i mbajti private detajet e ditës së saj të madhe.
Yousafzai 9 vite më parë i mbijetoi një atentati të talebanëve, pasi kritikoi përpjekjet e grupit terrorist për të penguar vajzat pakistaneze për të shkuar në shkollë. Gjatë asaj kohe, ajo po shkruante postime në blog për BBC për jetën në Luginën Swat të Pakistanit. E plagosur rëndë nga sulmi, Yousafzai u transferua në Britani për trajtim mjekësor. Ajo u zhvendos së bashku familjen e saj në Birmingham, në vitin 2013, ku vazhdoi shkollimin dhe u bë një aktiviste për edukimin e vajzave, sipas Malala Fund, një organizatë që ajo themeloi.