Një skandal i paprecedentë që ka qendër dy futbolliste të Paris Saint-Germain ka tronditur Francën.
Futbollistja Kheira Hamraoui u sulmua dhe u rrah brutalisht më 4 nëntor dhe epilogu i gjithçkaje është arrestimi i shoqes së saj të skuadrës Aminate Diallo.
Pas një darke ekipore në një restorant, Diallo e ftoi Hamraoui-t që ta çonte me makinën e saj në shtëpi. Rreth orës 22:00, dy agresor të maskuar e nxorrën Hamraoui-n nga makina dhe filluan ta godasin me shufra hekuri në këmbë dhe më pas u larguan.
Hamraoui përfundoi në spital dhe sot policia franceze arrestoi Diallo me dyshimin se ajo urdhëroi sulmin me qëllim që ta dëmtonte dhe të mos kishte mundësi të luante me PSG-në.
Hamraoui këtë sezon është transferuar te PSG nga Barcelona dhe Diallo me ardhjen e saj e ka humbur vendin e titullarit në ekipin e parë.
Pikërisht për shkak të atij dëmtimi Diallo luajti në mesfushë në vend të Hamraouit në ndeshjen e Champions League kundër Real Madridit (4-0) dy ditë më parë.
