Një person është vënë në pranga nga policia e Tiranës, pasi ishte shpallur në kërkim për një ngjarje të ndodhur në muajin Qershor.
Në pranga u vu R.Sh., 25 vjeç, banues në kryeqytet, të cilit Gjykata e Tiranë, i ka caktuar masën e sigurisë “Arrest në burg”, për veprat penale “Vrasja me dashje” mbetur në tentativë, kryer në bashkëpunim, “Prodhimi dhe shitja e narkotikëve”, “Prishja e qetësisë publike” dhe “Falsifikimi i letërnjoftimeve, i pasaportave ose i vizave”.
Policia njoftoi se ky shtetas, më datë 12.06.2021, në rrugën ‘Kahreman Ylli’, në afërsi të një lokali, së bashku me vëllain e tij, shtetasin K. Sh. (i arrestuar në flagrancë), janë konfliktuar me armë zjarri me shtetasin V. P., 33 vjeç dhe 2 persona të tjerë. Si pasoje e të shtënave ka mbetur i plagosur në këmbë shtetasi E.Gj.
Materialet kaluan në Prokurorinë e Rrethit Gjyqësor Tiranë, për veprime të mëtejshme, shtuan të njëjtat burime.
