Ish-Kryeministri Sali Berisha zhvillon Foltoren e rradhës në Pogradec, në kuadrin e një turi takimesh me bazën e Partisë Demokratike.
Ndërsa ka njoftuar mbajtjen e Kuvendit Kombëtar më 11 dhjetor, ku pritet të miratohen ndryshime statutore, por edhe të çelet gara për kreun e ri të PD, Berisha me nisjen e turit të takimeve duket se ka marrë mbështetjen e rreth 70 % të delegatëve të Kuvendit Kombëtar, që janë pro mbledhjes së tij.
Në Pogradec, disa dhjetra anëtarë dhe simpatizantë të PD, i janë bashkuar Foltores, ndërsa ish-Kryeministri shoqërohet nga deputetët Flamur Noka dhe Edmond Spaho.
Berisha është pritur me thirrjet dhe ovacionet e anëtarëve të PD, ndërsa ka përshkruar në këmbë shëtitoren deri në Pallatin e Kulturës ku do të mbahet takimi.
