Policia italiane ka arrestuar 5 persona, pasi ishin pjesë e një grupi kriminal nga Shqipëria dhe Italia, që merreshin me importimin e sasive të konsiderueshme të kokainës.
Mediat e huaja raportojnë se organizata drejtohej nga dy vëllezër shqiptarë të dy banues në Holandë, të cilët bashkë me dy shqiptarë të tjerë që banojnë në zonën e Reggio-s, shpërndanin kokainë në territor edhe me ndihmën e disa italianëve.
Nga hetimet rezulton se lënda narkotike nga vendet e Amerikës Jugore arrinte në portat e Evropës veriore (kryesisht në Holandë) dhe më pas ndahej në tregun italian nëpërmjet një rrjeti korrierësh.
Gjatë operacionit në pranga u vunë pesë persona, 4 shqiptarë dhe një italian dhe u sekuestruan 7.5 kilogramë kokainë, një plantacion kanabisi, 14 gramë marihuanë dhe 10 350 euro cash, që mendohet se janë pjesë e të ardhurave nga trafiku i drogës.
Gjithashtu janë sekuestruar 6 prona, 5 automjete, 22 llogari bankare dhe 3 aktivitete tregtare, me një vlerë totale të vlerësuar mbi 850 mijë euro.
