Partizani rikthehet nesër në fushën e blertë. Pas fitores 2-0 kundër Kastriotit, trajneri Ilir Daja zgjodhi të shpërblente të tijtë duke i lënë dy ditë pushim.
Siç e tregoi pas sfidës dhe vetë tekniku kryeqytetas, nesër 16 herë kampionët e Shqipërisë rinisin përgatitjet intensive për Laçin.
Ndaj kurbinasve pritet një rezultat pozitiv dhe pse me Mirel Josën në krye, bardhezinjtë janë bërë të vështirë për t’u mundur.
Gjendja në skuadrën e Partizanit është e mirë dhe fitorja ka shtuar dozat e optimizmit. Në çdo sfidë të kuqtë kanë qenë dominues në lojë, por rezultatet i kanë penalizuar ndjeshëm.
