Një tentativë grabitjeje është shënuar në orët e para të mëngjesit të sotëm në fshatin Zejmen të Lezhës.
Dy persona të armatosur kanë hyrë brenda një banese 3 katëshe në pronësi të Zef Therçaj, drejtor i shkollës së Mesme të Zejmenit.
Nga informacionet e para, mësohet se dy personat kanë hyrë brenda shtëpisë për të vjedhur, por nuk kanë mundur të marrin gjë pasi janë trembur nga kalimi i një ambulance dhe kanë menduar se ishte policia.
Mësohet se banorët kanë mundur të ndalojnë njërin prej autorëve, ndërsa tjetri ka arritur të largohet.
