“Vëllai i Madh” ka vendosur ti tregojë banorëve disa komente nga publiku. Ata do të kenë mundësine të lexojnë një vlerësim dhe një vërejtje.
Në monitor do ti shfaqen komente me emrin e tyre të fshirë. Mbasi të shikojnë njërin koment të gjithë me rradhë duhet të thonë se cilet prej tyre janë përfshirë në koment.
Në duar do të kenë letrat me emrin e secilit prej banorëve. Në momentin që ata do të shikojnë një koment do të mendojnë se kujt i është drejtuar komenti dhe në duar do të mbajnë letrën me emrin e atij personi. Pasi të gjithë të kenë shprehur një mendim do të shfaqet foto e papërpunuar për të parë nëse e kan gjetur saktë apo jo.
“Nëse ka një person që e mban veten për shumë të zgjuar dhe që s’lë njeri të flasë, bën debat dhe diskuton me veten dhe të gjithë duhet ta dëgjojnë, ajo është Arjola që vetëm gërthet dhe bën mimika si e çmendur. Më duket pa shtyllë kurrizore, kjo vetëm do ta mbajë mirë me të gjithë dhe kjo është pa dyfytyrësi”- ishte komenti që ishte zgjedhur për aktoren Arjola Demiri.
Emrat që zgjodhën banorët për këtë koment ishin Fifi dhe Monika, e vetëm Donaldi tha në një moment që ky koment mund të jetë edhe për Arjolën. Sipas tij, aktorja herë pas here bën mimika, duke hequr pjesën tjetër që nuk ishte dakord me komentuesin. Pas komentit të Donaldit, edhe Arjola ra dakord dhe vendosi që të thoshte emrin e saj.
Në fakt emri i saj ishte i vendosur në komentin e ndjekësve të “Big Brother VIP” dhe aktorja e mërzitur tha: “Pa shtyllë kurrizore, puthje, puthje”.
