Ish-Kryeministri Sali Berisha e cilësoi nga Pogradeci, kreun demokrat Lulzim basha, një kryetar pa parti. Berisha tha se Basha njëherë thotë se nuk do të ketë mbledhje forumesh, njëherë thotë nuk ka kohë, ndërkohë që ai vetë është një person që kurrë s’ka pasur kohë.
“Lulzim Basha nuk e ka merituar kurrë që jetë kryetar i PD, ndaj edhe unë ju kërkoj ndjesë që nuk kam reaguar më parë, megjithëse i kërkova dorëheqjen në 2017, pas humbjes së zgjedhjeve”, tha Berisha.
Duke folur për shpalljen “non grata” nga Sekretari amerikan i Shtetit, Berisha tha se kjo është vepër e George Soros, armikut të kombit shqiptar.
“Lulzim Basha me njv vendim anti-statutor, me një vendim kundër vendimeve të partisë, vendos përjashtimin tim nga Grupi Parlamentar. Ndaj kjo është një betejë për mbrojtjen e statutit, për mbrojtjen e forumeve dhe votës së anëtarësisë së PD.
Do e shndërrojmë Partinë Demokratike në shtëpinë e lirisë. Miqtë e mi ju do të vendosni me votën tuaj për çdo gjë, as Krzetari, as Sekretari, as deputeti dhe as kushdo qoftë, nuk do të mund të marrë vendime duke ju anashkaluar juve”, tha Berisha.
Ish-Kryeministri tha se Edi Ramën nuk mund ta mundim duke e imituar.
“Ne e mundim atë vetëm duke u forcuar, duke respektuar dinjitetin e njëri-tjetrit”, tha Berisha.
