Ministri i Mbrojtjes, Niko Peleshi, tha se buxheti për vitin 2022 parashikon rritjen e pagës me 30% për personelin e forcave të armatosura.
Gjatë fjalës në Komisionin për Sigurinë Kombëtare, Peleshi tha se nga rritja e pagës në nivelin 30% do të preket i gjithë personeli duke filluar nga ushtaraku më i thjeshtë, oficeri deri tek gjenerali.
“Projekt-buxheti i vitit 2022 plotëson nevojat e forcave të armatosura. Kërkesat janë gjithmonë më të mëdha se mundësitë por ne jemi në pritshmëri dhe po ecim kënaqshëm drejt objektivave, ky buxhet është progres i rëndësishëm. Me këtë projekt-buxhet është parashikuar rritja 30 % e pagës për personelin e forcave të armatosura, nga më i thjeshti deri tek gjenerali, krahasohemi me vendet e tjera nga vendet e rajonit. Duhet të jemi dinjitoz dhe kjo do të na bëjë më të motivuar për autoritetet ushtarake apo sic quhet ndryshe mbrojtja civile. Objektivi kryesor është modernizimi i forcave të armatosura”, tha Peleshi.
