Hysen Ramaj i ka shokuar të gjithë me rrëfimin për Alvisën, duke treguar se ka qenë i lidhur me të gjatë pjesëmarrjes në program, mirëpo ajo e ka tradhtuar në 1 të natës me Bashkimin. Ai ka bërë publike regjistrime nga më të ndryshmet dhe sipas tij nuk i ka bërë për ta shantazhuar apo kërcënuar.
Alvisa i ka mohuar të gjithë fjalët e tij. Sipas saj, arsyeja e vetme pse i ka folur Hysenit është sepse ndihej e kërcënuar nga ai dhe donte ta merrte me të mirë që të mos e shantazhonte.
Në debat e sipër Alvisa ka zbuluar detaje tronditëse nga lidhja e tyre. Ajo ka treguar se Hyseni e dhunonte, duke thënë se ka dhe foto të lëndimeve trupore.
“Ai mashkull çfarë nuk më ka bërë mua. E kam lutur me shpirt të largohej nga jeta ime. Do ju tregoj me foto shenjat e çdo gjë që më ka bërë ai mua. Ju të gjithë do ta kuptoni dhimbjen time! Unë po dal mashtruesja më e madhe. E dinë të gjithë familja e tij. Më ka dhunuar, më ka çarë katër gomat e makinës, çfarë nuk më ka bërë. Janë imazhe shumë të shëmtuara për t’u treguar në ekran. Vetëm shpirti im e di çfarë ka hequr”– tha Alvisa, teksa i ka treguar fotot e lëndimeve trupore moderatores Bora Zemani.
Nga ana tjetër, sipas Hysenit, Alvisa ia ka bërë vetes ato lëndime vetëm për t’u viktimizuar.
“I ka bërë vetë Bora, asgjë nuk i kam bërë unë. Ka bërë video sikur ka gërvishtur veten e vet, por nuk është e vërtetë”- ka thënë ai.
