Maliqi do bëhet me stadium të ri. Bashkia e këtij qyteti është në punime e sipër për përfundimin e stadiumit të ri. Në pamjet e fundit, gjithçka duket gati me fushën, ndërsa rëra dhe më pas tapeti i barit duhen për të kompletuar gjithçka.
Skuadra e Maliqit luan për të parën herë në histori këtë sezon në Kategorinë e Parë.
Ekipi si pritës ka luajtur në stadiumin e Korçës dhe Devollit, ndërsa pas pak kohësh do rikthehen në shtëpi, me fazën e dytë të punimeve që ka nisur. Kështu, “Jovan Asko” do ketë tjetër fytyrë pas disa javësh.
