Tirana ka triumfuar me rezultatin e thellë 4-0 në derbin ndaj Dinamos, e vlefshme për javën e 8-të të Superiores.
Që në pjesën e parë, Tirana dha sinjale duke rrezikuar më shumë por vetëm në shtesën e këtij fraksioni gjen golin pas një topi të gjatë ku Seferi del i vetëm dhe në tentativën për të gjuajtur, Sidibe e çon në portën e tij.
Në pjesën e dytë edhe Dinamo krijon disa raste të rrezikshme por në 56’ Redon Xhixha përfiton nga mbrojtja e rivalëve duke dyfishuar rezultatin për Tiranën.
Edhe 5 minuta më vonë, sërish Xhixha del i vetëm përballë portierit Bakaj të cilin e mposht dhe me VAR pas disa minutas, goli konsiderohet i rregullt.
Goli i tretë bën Dinamon të dorëzohet ndërsa Tirana ka koha për të shënuar edhe njëherë tjetër me Hotin në minutën e 83’. Bardheblutë marrin kështu 3 pikë që e konfirmojnë dhe e shkëpusin në krye të renditjes.
