Tirana ka katërfishuar shifrat përballë Dinamos në ndeshjen që po zhvillohet në “Air Albania”. Pjesa e parë u mbyll 1-0 falë një autogoli të Sidibe dukei dhuruar avantazhin bardhebluve.
Ndërkohë me nisjen e fraksionit të dytë të lojës Tirana ka goditur 3 herë brenda pak minutash me anë të Xhixhës 56′, 61′ dhe Hoti 82′.
Fillimisht Xhixha përfiton nga një gabim i Sidibes për të çuar topin në rrjetë me një goditje mjaft të bukur me trinën e këmbës.
Në golin e tretë për ekipin dhe të dytin personal, Xhixha shkëputet bukur mes mbrojtësve duke dalë para portierit Bakaj, për ta mposhtur. Pas 3 minutave konsultim me VAR, gjyqtari Kreshnik Cjapi e akordon si të rregullt golin e bardhebluve.
Hoti plotëson pokerin duke shënuar dhe golin e katërt.
